Тым часам у «Маладосці”
Часопіс рыхтуецца да свайго 60-годдзя, якое будзе святкавацца ў красавіку наступнага года. Але падарункі сваім чытачам ён пачынае рабіць ужо з ліпеньскага нумара. Па-першае, аматараў літаратуры чакаюць доўгатэрміновыя спецыяльныя праекты, па-другое — іх можна віншаваць з вяртаннем сімвала! Чытачы мінулага, напэўна ж, памятаюць, што некалі артыкулы "Маладосці" завяршаліся строгім графічным васільком у квадратнай рамачцы. Вось і цяпер кожны артыкул крытыкі і публіцыстыкі будзе "ўдасканалены" гэтай сімпатычнай кветкай, "цвятком Радзімы". Толькі без рамачкі: "Маладосць" іх у некаторых сэнсах ігнарыруе. Дарэчы, першы нумар з "васільком" няцяжка будзе пазнаць яшчэ з вокладкі...
Чытайце беларускае!
