Новая старонка «Маладосці». Амаль што партал
Калі набраць у акенцы пошуку www.maladost.lim.by, можна ўбачыць, як цяпер выглядае старонка часопіса "Маладосць" на сайце "ЛіМа". Тут ёсць магчымасць не толькі пазнаёміцца з навінамі рэдакцыі і матэрыяламі свежага нумара, але і прачытаць тое, што ў папяровую версію не ўвайшло.
Калонка "Толькі на сайце" прадугледжвае рубрыкі "Думкі ўслых", "Майстар-клас ад майстра-класіка", "Поўная версія", "Тое-сёе пра..." і "З паштовай скрынкі". Зразумела, што яны будуць папаўняцца новымі артыкуламі. Як павінна быць зразумелым і тое, што шмат чаго на гэтай старонцы няма. Пакуль няма. На чарзе, напрыклад, запуск аўтарскіх блогаў і адкрыццё форума.
