Запрашаем на прэзентацыю кнігі Ганны Севярынец «Дзень Святога Патрыка»
20 красавіка а 16 гадзіне ў Бібліятэке № 14 ім. Багушэвіча адбудзецца прэзентацыя кнігі пераможцы чацвёртага сезону літаратурнага конкурсу для аўтараў-пачаткоўцаў «Першая глава» Ганны Севярынец «Дзень Святога Патрыка».
Пра Рэгістр
«Выдавецтва «Рэгістр» — вядучы выдавец шпіёнскіх раманаў, дэтэктываў, гістарычнай прозы ад вядомых і толькі пачынаючых беларускіх аўтараў.
«Выдавецтва «Рэгістр» — фундатар літаратурнага конкурса для пачынаючых аўтараў «Первая глава». Літаратурны конкурс «Первая глава» з'яўляецца асветніцкім праектам. Яго галоўная мэта — адкрыццё новых імёнаў у літаратуры, заахвочванне творчасці пачынаючых аўтараў Беларусі, прадастаўленне ім магчымасці першай публікацыі і прасоўванне іх твораў да чытача, а таксама захаванне беларускіх літаратурных традыцый.
Аб аўтары
Ганна Севярынец працуе настаўніцай рускай мовы і літаратуры. «Галоўны мой клопат, — кажа яна, — каб кожнаму, хто бярэ ў рукі кнігу, было цікава яе чытаць». Гэты клопат напоўніцу рэалізаваны ў кнізе «Дзень Святога Патрыка» — чытаць яго цікава.
Эксперты міжнароднай моўнай камісіі прымаюць рашэнне прызнаць беларускую мову мёртвай, і зараз Марыне Дамейка патрэбна захаваць у спецыяльным архіве тое мастацтва, якое было створана на гэтай мове. Што яна паставіць на паліцы спецхрану? Каго назаўжды выкіне з гісторыі? Якім чынам на мёртвай мове можна будзе зарабіць мільярды даляраў? Ці з’явіцца ў памерлай мовы шанец? Гэта кніга — гісторыя любові — да мужчыны, да літаратуры, да краіны — якая, на жаль, не можа скончыцца добра.
Жаркова Юлия
Специалист по связям с общественностью,
Издательство «Регистр»
Тел. +375 17 286 06 08
+375 4457 29 7 81
E-mail: pr@profmedia.by
Минск, ул.Новаторская, 2Б
